Þar er gistiaðstaða fyrir allt að 50 manns.
Þar er gott eldhús með öllum búnaði, þar eru rafmagns
og gaseldavélar.
Þú tekur með þér hráefni í matargerð, annað er á
staðnum.
Við höfum gott kolaútigrill, þú hefur með þér kol.
Það er sofið í rúmum og kojum í 7 aðskildum
herbergjum, þú hefur með þér svefnpoka eða rúmföt.
Það er sturta í húsinu sem tekur við 100 kr. mynt.
Góð aðstaða er í húsinu til að þurka blaut föt og
skó.
Einnig bjóðum við upp tjaldsvæði með aðgang að
vatnssalernum, góðu vatni og inniaðstöðu í gömlu útihúsi.
------------------------------------------------------------------
Farangur og sorp
Gestir sem koma í Hornbjargsvita eru
beðnir um að takmarka farangur eins og kostur er. Allan farangur þurfa
gestir sjálfir að bera með sér og taka úr bát í hús. Það þarf ekki að
koma með nein mataráhöld né húsgögn!
Erfitt getur verið að ferja mikinn
farangur milli báta og okkar reynsla er sú, að fólk tekur allt of mikið
dót með sér. Þannig er það góð regla að taka allt það sem þú heldur að
þú getur ekki verið án, og pakka því niður. Síðan skalt þú skoða
umfangið, taka allt upp úr töskunni aftur og íhuga hvort þú þurfir
þrennar buxur og fjórar peysur fyrir 3 nætur? Ef þú kemur ekki fötunum
þínum fyrir í meðalstórri eða lítilli íþróttatösku, ertu með allt of
mikið. Ferðatöskur eru ótrúlega erfiðar, þær eru allt of stórar og
þungar, íþróttatöskur eru mun heppilegri.
Glerflöskur eru þungar og erfitt fyrir
ykkur að bera, þannig að skynsamlegt er að setja innihaldið á
plastflöskur. Þegar tekin saman er matur fyrir t.d. 3 nátta ferð, er
gott að setjast niður og skrifa niður hve mikið ein persóna borðar á
dag, skipuleggja matseðil. Þetta er ótrúlega auðvelt og ólíkt gáfulegra
en að reyna að skipuleggja hvað á að borða, þegar þú stendur inni í
matvöruversluninni!
Ef þið eruð með kælibox eða plastkassa,
munið að setja límband vel utan um þá, algengt er að matur fari í sjóinn
þegar þeir opnast, en læsingar á þeim eru mjög lélegar. Fötum sem
þú vilt halda þurrum er gott að setja í plastpoka.
Samkvæmt reglum friðlandsins, eiga allir
að taka sitt sorp til baka! Þetta er gott að hafa í huga þegar pakkað
er, við urðum þó allan lífrænan úrgang. Frauðplastkassa verður fólk að
taka með sér til baka úr friðlandinu.
